விஷாலுக்கு திடீரென ஆதரவு தெரிவித்த இயக்குனர் அமீர்
- IndiaGlitz, [Wednesday,December 06 2017]
நடிகர் விஷால் ஆர்.கே.நகர் இடைத்தேர்தலில் போட்டியிட போவதாக அறிவிப்பு வெளிவந்ததும் அவருக்கு எதிர்ப்பு தெரிவித்த முதல் திரையுலக பிரமுகர் இயக்குனர் அமீர் என்பது தெரிந்ததே. விஷால் எதற்காக போட்டியிடுகிறார்? அவருக்கு பின்னணியில் யார் இருக்கின்றனர்? என்று கேள்வி எழுப்பிய அமீர், விஷாலை எதிர்த்து நாம் தமிழர் வேட்பாளராக களத்தில் குதிக்கவுள்ளதாகவும் ஆவேசமாக அறிவித்தார்.
இந்த நிலையில் நேற்று விஷாலின் வேட்புமனு பரிசீலிக்கப்பட்டபோது முதலில் நிராகரிக்கப்பட்டு பின்னர் ஏற்றுக்கொள்ளப்பட்டு அதன்பின்னர் மீண்டும் நிராகரிக்கப்பட்டது. இந்த ஜனநாயக கேலிக்கூத்தை எதிர்க்கட்சியினர் கண்டித்து வரும் நிலையில் விஷாலுக்கு எதிர்ப்பு தெரிவித்த இயக்குனர் அமீர், இந்த ஜனநாயக படுகொலையை கண்டித்து விஷாலுக்கு ஆதரவாக பேசியுள்ளார்.
அவர் இதுகுறித்து மேலும் கூறியபோது, 'ஆர்.கே.நகரில் விஷால் வேட்பு மனு நிராகரிப்பு, தமிழக அரசியலில் மிகச் சிறந்த ஜனநாயக படுகொலை. தேர்தல் ஆணையம் மத்திய - மாநில அரசுகளின் கட்டுப்பாட்டில் உள்ளது என்பது இதன் மூலம் தெளிவாகிறது' என்று கூறியுள்ளார்.