விஜய்யிடம் இரண்டு கதைகள் கூறி காத்திருக்கும் பிரபல இயக்குனர்
- IndiaGlitz, [Thursday,May 03 2018]
'ராம்' மற்றும் 'பருத்திவீரன்' போன்ற சூப்பர் ஹிட் படங்களை இயக்கிய இயக்குனர் ராம், தற்போது தனுஷின் 'வடசென்னை' படத்தில் முக்கிய வேடத்தில் நடித்து வருகிறார். அதுமட்டுமின்றி 'பேரன்பு கொண்ட பெரியோர்களே' என்ற படத்திலும் அவர் நடித்து வருகிறார்.
இந்த நிலையில் சமீபத்தில் தளபதி விஜய்யை சந்தித்து இரண்டு கதைகள் கூறியதாகவும், அதில் ஒன்றான 'கண்ணபிரான்' என்ற கதை விஜய்க்கு மிகவும் பிடித்துவிட்டதாகவும், இந்த கதையில் நடிப்பது குறித்து விஜய் விரைவில் முடிவு செய்வார் என்று தான் நம்புவதாகவும் சமீபத்தில் அளித்த பேட்டி ஒன்றில் இயக்குனர் அமீர் தெரிவித்துள்ளார்.
அதேபோல் இன்னொரு கதை மாஸ் ஹீரோவுக்கு பொருத்தமாக அமையும் சரித்திர கதை என்றும், இந்த இரண்டு கதைகளில் எந்த கதையை விஜய் தேர்வு செய்தாலும் தனக்கு மகிழ்ச்சி என்றும் அமீர் தெரிவித்துள்ளார்.
விஜய் தற்போது, ஏ.ஆர்.முருகதாஸ் இயக்கத்தில் 'தளபதி 62; படத்தில் நடித்து வருகிறார். இந்த படத்தின் படப்பிடிப்பு முடிவடையும் சமயத்தில் விஜய் தனது அடுத்த படத்தின் இயக்குனரை தேர்வு செய்வார் என்று கூறப்படுகிறது. அந்த இயக்குனர் அமீரா? என்பதை பொறுத்திருந்து பார்ப்போம்.