இயக்குனர் ஏ.எல்.விஜய்க்கு திருமணம்: மணப்பெண் யார் தெரியுமா?
- IndiaGlitz, [Saturday,June 29 2019]
இயக்குனர் ஏ.எல்.விஜய் மற்றும் நடிகை அமலாபால் கடந்த 2014ஆம் ஆண்டு ஜூன் மாதம் காதல் திருமணம் செய்து கொண்டனர். ஆனால் இரண்டே வருடங்களில் இருவருக்கும் கருத்துவேறுபாடு ஏற்பட்டதை அடுத்து 2016ல் விவாகரத்து மனு விண்ணப்பம் செய்து 2017ல் விவாகரத்து பெற்றனர்.
விவாகரத்துக்கு பின்னர் தனது முழுகவனத்தையும் இயக்குனர் விஜய் திரைப்படங்களில் செலுத்தி வந்தாலும் அவர் இயக்கிய 'வனமகன்', 'தியா', 'லட்சுமி', 'வாட்ச்மேன்', 'தேவி 2' ஆகிய திரைப்படங்கள் எதிர்பார்த்த வெற்றியை பெறவில்லை. இந்த நிலையில் பெற்றோர்களின் வேண்டுகோளை ஏற்று ஏ.எல்.விஜய் தற்போது இரண்டாவது திருமணத்திற்கு ஒப்புக்கொண்டுள்ளார்.
விஜய்யை திருமணம் செய்யவிருக்கும் மணப்பெண்ணின் பெயர் ஐஸ்வர்யா. டாக்டரான இவருக்கும் விஜய்க்கும் வரும் ஜூலை 11ஆம் தேதி சென்னையில் திருமணம் நடைபெறவுள்ளது. திருமணத்திற்கான ஏற்பாடுகளை இருதரப்பினர்களும் விறுவிறுப்பாக செய்து வருகின்றனர்.