நயன்தாரா படத்தில் கெளதம்மேனன் வில்லனாக நடிப்பது உண்மையா?
- IndiaGlitz, [Monday,September 12 2016]
டிமாண்டி காலனி' இயக்குனர் அஜய் ஞானமுத்து இயக்கவுள்ள 'இமைக்கா நொடிகள்' படத்தில் அதர்வா நாயகனாக நடிக்கவுள்ளதாகவும், இந்த படத்தில் நயன்தாரா முக்கிய கேரக்டரில் நடிக்கவுள்ளதாகவும் வந்த செய்தியினை ஏற்கனவே பார்த்தோம்.
இந்நிலையில் இந்த படத்தில் பிரபல இயக்குனர் கெளதம் மேனன் வில்லனாக நடிக்கவுள்ளதாக கடந்த இரு நாட்களாக செய்திகள் வெளிவந்தன. இதுகுறித்து படக்குழுவினர் கூறியபோது, 'இயக்குனர் கெளதம் மேனனை வில்லன் உள்பட எந்த கேரக்டரிலும் நடிக்க அணுகவில்லை என்றும் இது முழுக்க முழுக்க ஆதாரமில்லாத செய்தி என்றும் கூறி வதந்திக்கு முற்றுப்புள்ளி வைத்தனர்.
ரொமாண்டிக் ஆக்சன் த்ரில்லராக உருவாகவுள்ள இந்த படத்தை 'த்ரிஷா இல்லைனா நயன்தாரா' படத்தை தயாரித்த ஜெயகுமர் தயாரிக்க ஆர்.டி.ராஜசேகர் ஒளிப்பதிவு செய்கிறார். பிரபல எழுத்தாளர் பட்டுக்கோட்டை பிரபாகர் வசனம் எழுதும் இந்த படத்திற்கு புவன் ஸ்ரீனிவாசன் படத்தொகுப்பு செய்யவுள்ளார். இந்த படத்தின் படப்பிடிப்பு அக்டோபர் முதல் வாரத்தில் தொடங்கவுள்ளது