அஜித் படத்தை அடுத்து ஆதிக் ரவிச்சந்திரன் நடிக்கும் அடுத்த படம்
- IndiaGlitz, [Sunday,March 10 2019]
தல அஜித் நடித்து வரும் 'நேர் கொண்ட பார்வை' படத்தில் இயக்குனர் ஆதிக் ரவிச்சந்திரன் ஒரு முக்கிய கேரக்டரில் நடித்து வருகிறார் என்பது தெரிந்ததே. இந்த நிலையில் அவர் இன்னொரு தமிழ்ப்படத்திலும் நடித்து வரும் தகவல் தற்போது கிடைத்துள்ளது.
பரத் நீலகண்டன் இயக்கத்தில் அருள்நிதி, ஷராதா ஸ்ரீநாத் நடித்து வரும் திரைப்படம் 'K13'. இந்த படத்தின் கதையின் மையப்புள்ளி என்று கூறப்படும் மிக முக்கிய கேரக்டரில் இயக்குனர் ஆதிக் ரவிச்சந்திரன் நடிக்கவுள்ளார். இதுகுறித்து இயக்குனர் பரத் கூறியபோது, 'இந்த கேரக்டரை நான் எழுதும்போதே என் மனதில் பல நடிகர்கள் தோன்றினர். ஆனால் இந்த கேரக்டரில் இயக்குனர் ஆதிக் தான் பொருத்தமாக இருப்பார் என்று எனக்கு தோன்றியது. அவரிடம் நான் இதுகுறித்து அணுகியபோது மகிழ்ச்சியுடன் ஒப்புக்கொண்டார்.
அவர் நடித்த முதல் காட்சியில் நடிகை காயத்ரியும் நடித்தார். முதல் காட்சியே எனக்கு திருப்திகரமாக இருந்ததால் இந்த கேரக்டர் நிச்சயம் பேசப்படும் என எனக்கு தோன்றியது என்று கூறியுள்ளார்.
தமிழ் திரையுலகில் பல இயக்குனர்கள் முழுநேர நடிகர்களாக மாறியுள்ளதால் ஆதிக்கும் முழுநேர நடிகராக மாறிவிடுவாரா? என்பதை பொறுத்திருந்து பார்ப்போம்.