சீயான் விக்ரம் மகன் துருவ் அறிமுகமாகும் படமான 'வர்மா' என்ற படத்தை தேசியவிருது பெற்ற இயக்குனர் பாலா இயக்கவுள்ளார் என்பது தெரிந்ததே. தெலுங்கில் சூப்பர் ஹிட் ஆன 'அர்ஜூன் ரெட்டி' படத்தின் தமிழ் ரீமேக் படமான இந்த படத்தின் படப்பிடிப்பு வெகுவிரைவில் தொடங்கவுள்ளது

இந்த நிலையில் இந்த படத்தில் 'ஜோக்கர்' என்ற தேசியவிருது பெற்ற படத்தை இயக்கிய ராஜூமுருகன் வசனம் எழுதவுள்ளதாக தகவல்கள் வெளிவந்துள்ளது. ஜோக்கர்' படத்தில் நையாண்டித்தனத்துடன் கூடிய அரசியல் வசனங்களை எழுதிய ராஜூமுருகன், இந்த படத்தில் இணைந்துள்ளதால் இந்த படத்திற்கான எதிர்பார்ப்பு அதிகரித்துள்ளது.

இந்த படத்தின் நாயகி உள்பட மற்ற நட்சத்திரங்கள் மற்றும் தொழில்நுட்ப கலைஞர்களின் தேர்வு நடைபெற்று கொண்டிருப்பதாகவும் பிப்ரவரி அல்லது மார்ச் மாதம் இந்த படத்தின் படப்பிடிப்பு தொடங்குவதாகவும் படக்குழுவினர் தெரிவித்துள்ளனர்.

இந்த நிலையில் பாலா இயக்கிய இன்னொரு படமான 'நாச்சியார்' திரைப்படம் வரும் பிப்ரவரி 16ஆம் தெதி வெளியாகவுள்ளது என்பது குறிப்பிடத்தக்கது.