தனுஷூக்கு ஆஸ்கார் பரிசு கிடைக்க அரிய வாய்ப்பு
- IndiaGlitz, [Thursday,September 22 2016]
தனுஷ் தயாரிப்பில் வெற்றிமாறன் இயக்கி கடந்த சில மாதங்களுக்கு முன்னர் வெளிவந்த 'விசாரணை' திரைப்படம் தேசிய விருது உள்பட பல சர்வதேச விருதுகளை குவித்தது என்பதை அறிவோம். இந்நிலையில் இதற்கெல்லாம் முத்தாய்ப்பாக இந்தியாவில் இருந்து ஆஸ்கார் விருதுக்கு செல்லும் படமாக 'விசாரணை' தேர்வு செய்யப்பட்டுள்ளது.
இதனால் இந்த படத்திற்கு ஆஸ்கார் விருது கிடைக்கும் வாய்ப்பு ஏற்பட்டுள்ளது. இதனால் தயாரிப்பாளர் தனுஷ், இயக்குனர் வெற்றிமாறன் உள்பட படக்குழுவினர் அனைவரும் மகிழ்ச்சி அடைந்துள்ளனர்.
இதுகுறித்து தனுஷ் வெளியிட்டுள்ள அறிக்கையில் வொண்டர்பார் பிலிம்ஸ் தயாரித்த படம் ஒன்று ஆஸ்கார் விருதின் போட்டிக்கு செல்வது பெருமையாக இருப்பதாகவும் இந்த மகிழ்ச்சியான தருணத்தில் இந்த படத்திற்காக பணிபுரிந்த அனைவருக்கு தனது நன்றியை தெரிவித்து கொள்வதாகவும் கூறியுள்ளார்.