தினேஷின் 'உள்குத்து' சென்சார் தகவல்கள்
- IndiaGlitz, [Wednesday,November 30 2016]
கோலிவுட் திரையுலகில் வளர்ந்து வரும் இளம் நாயகன் தினேஷ் நடித்துள்ள 'உள்குத்து' திரைப்படத்தின் படப்பிடிப்பு முடிவடைந்து ரிலீசுக்கு தயாராக உள்ளது. இந்நிலையில் இந்த படத்தின் சென்சார் தகவல்கள் தற்போது வெளிவந்துள்ளது.
'உள்குத்து' திரைப்படத்திற்கு சென்சார் அதிகாரிகள் 'U' சான்றிதழ் அளித்துள்ளனர். இதனால் இந்த படத்திற்கு தமிழக அரசின் 30% வரிவிலக்கு கிடைக்க வாய்ப்பு உள்ளதால் படக்குழுவினர் மகிழ்ச்சி அடைந்துள்ளனர். மேலும் இந்த படம் 126 நிமிடங்கள் அதாவது 2 மணிநேரம் 6 நிமிடங்கள் ஒடுகின்றது. வரும் டிசம்பரில் இந்த படம் வெளியாகும் என்று எதிர்பார்க்கப்படுகிறது.
தினேஷ், நந்திதா, பாலசரவணன், ஜான்விஜய், சாயாசிங் உள்ளிட்ட பலர் நடித்துள்ள இந்த படத்தை கார்த்திக் ராஜூ இயக்கியுள்ளார். கெனன்யா பிலிம்ஸ் நிறுவனம் தயாரித்துள்ள இந்த படத்திற்கு ஜஸ்டின் பிரபாகரன் இசையமைத்துள்ளார்.