இந்திய அணியில் விளையாடினாலும், தமிழக வீரர்களான வாஷிங்டன் சுந்தர் மற்றும் விஜய்சந்தருடன் தினேஷ் கார்த்திக் தமிழில் பேசுவதையே வழக்கமாக கொண்டுள்ளார். இது எதிரணி வீரர்களுக்கும் புரியாமல் இருக்கும் தந்திரமா? என்ற கேள்விக்கு தினேஷ் கார்த்திக் பதிலளித்தார்.

இதுகுறித்து அவர் கூறியபோது, வாஷிங்டன் சுந்தர், விஜய்சந்தர் இருவருமே தமிழ்நாட்டை சேர்ந்தவர்கள் என்பதால் அவர்களுடன் தமிழில் பேசியே பழகிவிட்டேன். அவர்களிடம் நான் ஆங்கிலத்தில் பேசினால்தான் ஒரு மாதிரியாக இருக்கும். இது வழக்கமாக நடைபெறுவதுதான். இதற்கும் எதிரணி வீரருக்கு புரியாமல் இருக்கும் வகையில் நடந்து கொள்வதற்கும் சம்பந்தமில்லை. என்று கூறினார்

மேலும் வாஷிங்டன் சுந்தர் ஒரு திறமையான வீரர் என்றும், பவர்பிளேவில் பந்து வீசுவது மிகவும் சிரமமான காரியம், அதை அவர் சரியாக செய்து வருவது மகிழ்ச்சி அளிப்பதாகவும், மேலும் தொடர் நாயகன் விருதுக்கு தகுதியானவர் என்றும் தினேஷ் கார்த்திக் தெரிவித்தார்.