உலக லெவன் டி-20 அணியில் இடம்பிடித்த தமிழக வீரர்
- IndiaGlitz, [Thursday,May 03 2018]
கடந்த ஆண்டு மேற்கிந்திய தீவுகளில் வீசிய இரண்டு கடுமையான புயல்கள் காரணமாக அந்நாட்டின் ஐந்து கிரிக்கெட் மைதானங்கள் கடுமையாக சேதம் அடைந்தன. இந்த மைதானங்களை சீரமைக்க நிதி திரட்டும் வகையில் ஒரு டி-20 போட்டி நடத்த திட்டமிடப்பட்டது. இந்த போட்டிக்கு ஐசிசி அனுமதி அளித்துள்ளது.
இதன்படி மேற்கிந்திய தீவுகள் அணிக்கும், உலக லெவன் அணிக்கும் ஒரு டி-20 போட்டி வரும் 31ஆம் தேதி இங்கிலாந்தின் லார்ட்ஸ் மைதானத்தில் நடைபெறவுள்ளது. இந்த போட்டியில் உலக லெவன் அணிக்கு இங்கிலாந்து நாட்டின் இயான் மார்கென் கேப்டனாக இருப்பார். மேலும் இந்த அணியில் பாகிஸ்தானின் ஷோயப் மாலிக், ஷாகித் அப்ரிதி, இலங்கையின் தெசேரா பெரிரா, வங்கதேசத்தின் ஷாகிப் அல் ஹாசன், தமிம் இக்பால், ஆப்கானிஸ்தானின் ரஷித் கான் ஆகியோர் இடம்பெற்றுள்ளனர். மேலும் இந்த அணியில் தமிழக வீரர் தினேஷ் கார்த்தி இடம்பெற்றுள்ளார்.
அதேபோல் இன்னொரு இந்திய வீரர் ஹர்திக் பாண்ட்யாவும் இந்த அணியில் உள்ளார்.
மேற்கிந்திய தீவுகள் அணீயில் கார்லோஸ் பிராத்வொயிட், சாமுவேல் பாத்ரி, ராயட் எம்ரிட், ஆந்த்ரே பிளெட்சர், கிறிஸ் கெயில், எவின் லூயிஸ், ஆஷ்லே நர்ஸ், கீமோ பால், ரோவ்மான் பாவெல், டேனிஷ் ராம்தின், ஆந்தரே ரசல், மார்லான் சாமுவேல்ஸ், கெஸ்ரிக் வில்லியம்ஸ் ஆகியோர் இடம்பெற்றுள்ளனர் என்பது குறிப்பிடத்தக்கது.