இந்திய கிரிக்கெட் அணியின் முன்னணி வீரர்களில் ஒருவராக இருந்து வரும் தினேஷ் கார்த்திக் சமீபத்தில் இலங்கையில் நடந்த மூன்று நாடுகள் கிரிக்கெட் போட்டியின் இறுதிப்போட்டியில் கடைசி பந்தில் சிக்ஸ் அடித்து இந்தியாவின் ஹீரோவாக மாறினார். இந்த போட்டி முடிந்து சில நாட்கள் ஆகிவிட்டபோதிலும் இன்னும் அவர் சமூகவலைத்தளங்களின் டிரெண்டில் உள்ளார்.

இந்த நிலையில் தினேஷ் கார்த்திக் மற்றும் அவரது மனைவியும் ஸ்குவாஷ் வீராங்கனையுமான தீபிகாவும் சமீபத்தில் தங்களது புதிய வீட்டிற்கு மாறியுள்ளனர். விஐபிக்கள் வசிக்கும் சென்னையின் ஒரு முக்கிய பகுதியான போயஸ்கார்டனில் தினேஷ் கார்த்திக் மற்றும் தீபா தம்பதியினர் ரசித்து ரசித்து புதிய வீடு கட்டியது குறித்து கூறிய வீடியோ ஒன்று தற்போது இணையதளங்களில் வைரலாகியுள்ளது.

அந்த வீட்டின் ஹால், பெட்ரூம், கிச்சன் மற்றும் தங்களுடைய விளையாட்டு பொருட்களை வைக்கும் அறைகளை கட்ட எப்படி திட்டமிட்டோம், எந்த வண்ணம் தேர்வு செய்தோம், என்பதை அவர்கள் இருவரும் அந்த வீடியோவில் விளக்கியுள்ளனர். மேலும் இந்த வீடு சூப்பர் ஸ்டார் ரஜினிகாந்த் அவர்களின் வீடு அருகே உள்ளது என்பதையும் தினேஷ் பெருமையுடன் குறிப்பிட்டுள்ளார்.