முன்னாள் முதல்வர்களும், ஆளுமை உள்ள தலைவர்களுமான ஜெயலலிதா, கருணாநிதி இல்லாத இந்த தேர்தலில் பல காமெடிகள் நடந்து வருகிறது. கூட்டணி அமைப்பதிலேயே இரு பக்கமும் பல காமெடிகள் நடந்து முடிந்துவிட்ட நிலையில் தற்போது தேர்தல் பிரச்சாரத்திலும் பல காமெடிகள் அரங்கேறி வருகின்றன.

அவற்றில் ஒன்று அமைச்சர் திண்டுக்கல் சீனிவாசன் தேர்தல் பிரச்சாரம் ஒன்றில் பேசுகையில், 'ஒரு பக்கம் இந்தியாவின் பிரதமர் பதவிக்காக நரேந்திரமோடி போட்டியிடுகிறார். இன்னொரு பக்கம் அவருக்கு எதிராக அவருடைய பேரன் ராகுல்காந்தி போட்டியிடுகிறார்' என்று பேசினார். நரேந்திரமோடியின் பேரன் ராகுல்காந்தியா? என அவருடைய பேச்சை கேட்டவர்கள் வியந்தனர்.

ஏற்கனவே அதிமுக வேட்பாளர் ஒருவர் சகோதர் கனிமொழிக்கு ஓட்டு போடுங்கள் என்று பேசியது பெரும் சலசலப்பை ஏற்படுத்தியுள்ள நிலையில் தற்போது நரேந்திரமோடியின் பேரன் ராகுல்காந்தி என்று ஒரு அமைச்சரே பேசியது பெரும் பரபரப்பை ஏற்படுத்தியுள்ளது.