அதிமுகவில் இருந்து பிரிந்து தினகரன் அணி என்ற தனி அணியாக செயல்பட்டு வந்த தினகரன் மற்றும் அவரது ஆதரவாளர்கள் இணைந்து தனிக்கட்சி ஆர்மபிக்கவுள்ளதாக கூறப்பட்டது. ஆனால் இதனை மறுத்த தினகரன்,  தனிக்கட்சி இல்லை என்றும் தனி அமைப்பைத்தான் ஆரம்பிக்கவுள்ளதாகவும் நேற்று தெரிவித்தார்

இந்த நிலையில் மதுரை மேலூரில் இன்று நடைபெற்று வரும் பிரமாண்டமான பொதுக்கூட்டத்தில் தனது அணியின் பெயர், கொடியை அறிமுகம் செய்யவுள்ளார். சற்றுமுன் தனது அமைப்பிற்கு 'அம்மா மக்கள் முன்னேற்ற கழகம் என்ற பெயரை டிடிவி தினகரன் அறிவித்துள்ளார். இந்த பெயரை சசிகலாவின் அனுமதியோடு தான் அறிவிப்பதாகவும் கூறியுள்ளார்.

ஏற்கனவே தினகரனுக்கும் அவரது அணியினர்களுக்கும் குக்கர் சின்னத்தை ஒதுக்க வேண்டும் என்று டெல்லி ஐகோர்ட் உத்தரவிட்டுள்ளதால் இந்த அணியின் வேட்பாளர்கள் இனிவரும் தேர்தல்களில்  'அம்மா மக்கள் முன்னேற்ற கழகம் என்ற பெயரில் குக்கர் சின்னத்தில் போட்டியிடுவார்கள் என்பது குறிப்பிடத்தக்கது.