தல அஜித் நடிப்பில் இயக்குனர் சிவா இயக்கி வரும் 'விஸ்வாசம்' படத்தின் முதல்கட்ட படப்பிடிப்பு சமீபத்தில் ஐதராபாத்தில் முடிந்தது. இந்த படப்பிடிப்பில் முக்கிய காட்சிகள், பாடல்கள், ஸ்டண்ட் காட்சிகள் படமாக்கப்பட்டதாக கூறப்படுகிறது. இந்த படத்தின் அடுத்தகட்ட படப்பிடிப்பு மும்பை மற்றும் சென்னையில் மிக விரைவில் தொடங்கவுள்ளது.

இந்த நிலையில் இந்த படத்திற்கு ஸ்டண்ட் மாஸ்டராக திலீப் சுப்பராயன் ஒப்பந்தம் செய்யப்பட்டிருப்பதாக தகவல்கள் வெளிவந்துள்ளது. திலீப் சுப்பராயன் விஜய் நடித்த 'புலி', 'தெறி', விஷால் நடித்த 'இரும்புத்திரை' உள்பட பல படங்களுக்கு ஸ்டண்ட் மாஸ்டராக பணிபுரிந்துள்ள நிலையில் அஜித் படத்திற்கு முதல்முதலாக ஸ்டண்ட் மாஸ்டராக பணிபுரியவுள்ளார் என்பது குறிப்பிடத்தக்கது

திலீப் சுப்பராயன் ஸ்டண்ட் மாஸ்டர் மட்டுமின்றி ஒரு நல்ல நடிகர் என்பதையும் 'சங்கு சக்கரம்' படம் மூலம் நிரூபித்தவர். எனவே இவருக்கு 'விஸ்வாசம்' படத்தில் நடிக்கவும் இயக்குனர் சிவா வாய்ப்பு கொடுப்பாரா? என்பதை பொறுத்திருந்து பார்ப்போம்