ദിലീപ് ചിത്രം 'ബാന്ദ്ര'; നവംബറിൽ റിലീസ്
- IndiaGlitz, [Thursday,October 12 2023]
ദിലീപിനെ നായകനാക്കി അരുൺ ഗോപി സംവിധാനം ചെയ്യുന്ന 'ബാന്ദ്ര' നവംബർ മാസം റിലീസിന് ഒരുങ്ങുന്നു. ദിലീപിന്റെ നായികയായി തമന്ന എത്തുന്നു. പാൻ ഇന്ത്യൻ താരനിരയും ചിത്രത്തിനായി അണിനിരക്കുന്നു. അജിത് വിനായക ഫിലിംസിൻ്റെ ബാനറിൽ വിനായക അജിത് നിർമിക്കുന്ന ചിത്രത്തിൽ ഉദയകൃഷ്ണയാണ് തിരക്കഥ ഒരുക്കുന്നത്.
തമന്നയുടെ ആദ്യ മലയാള സിനിമയാണിത്. തമിഴ് നടൻ ശരത് കുമാറും ബോളിവുഡ് നടൻ ദിനോ മോറിയയും ചിത്രത്തിലുണ്ട്. സിദ്ദിഖ്, കലാഭവൻ ഷാജോണ്, ഗണേഷ് കുമാർ തുടങ്ങി വമ്പൻ താരനിരയാണ് ചിത്രത്തിൽ ഒരുങ്ങുന്നത്. ഷാജി കുമാറാണ് ഛായാഗ്രഹണം. സംഗീതം: സാം സി എസ്, എഡിറ്റിംഗ്: വിവേക് ഹര്‍ഷന്‍, അൻബറിവ്, ഫിനിക്സ് പ്രഭു, മാഫിയ ശശി എന്നിവരാണ് ആക്ഷൻ കോറിയോഗ്രാഫർമാർ. അഹമ്മദാബാദ്, സിദ്ധാപൂർ, രാജ്കോട്ട്, ഘോണ്ടൽ, ജയ്പൂർ, മുംബൈ, ഹൈദരാബാദ് തുടങ്ങിയ ഇടങ്ങളിലായിരുന്നു ചിത്രത്തിൻ്റെ ഷൂട്ടിങ്ങ്.