ഡി സിനിമാസ് തുറന്നു പ്രവർത്തിക്കുമെന്ന് ഹൈകോടതി
- IndiaGlitz, [Wednesday,August 09 2017]
ദിലീപിന്റെ ഉടമസ്ഥതയിലുള്ള ഡി സിനിമാസ് തുറന്നു പ്രവര്‍ത്തിക്കാമെന്ന് ഹൈക്കോടതി. ഡി സിനിമാസ് അടച്ചുപൂട്ടിയ നഗരസഭാ ഉത്തരവ് റദ്ദാക്കി. ദിലീപിന്റെ സഹോദരന്‍ നല്‍കിയ ഹരജിയിലാണ് ഹൈക്കോടതി ഉത്തരവ്.
നഗരസഭ പ്രത്യേക കൗണ്‍സില്‍ യോഗത്തിലാണ് നഗരസഭയുടെ ലൈസന്‍സില്ലാതെ പ്രവര്‍ത്തിക്കുന്ന തിയറ്റര്‍ അടച്ചു പൂട്ടാന്‍ തീരുമാനിച്ചത്. ഇതിന്റെ കൈവശാവകാശവും ലൈസന്‍സും റദ്ദാക്കിയിരുന്നു. രണ്ടും നിയമവിരുദ്ധമായാണ് നേടിയതെന്ന് കണ്ടെത്തിയതിനെ തുടര്‍ന്നാണ് നഗരസഭ നടപടിയെടുത്തത്. വിജിലന്‍സ് അന്വേഷണം തീരുന്നതുവരെ അടച്ചിടാനാണ് തീരുമാനിച്ചിരുന്നത്.