తెలుగులో స్టార్ ప్రొడ్యూస‌ర్‌గా రాణిస్తోన్న దిల్‌రాజు తెలుగుతో పాటు హిందీ సినిమాలను కూడా నిర్మిస్తోన్న సంగ‌తి తెలిసిందే. తెలుగులో విజ‌య‌వంత‌మైన ప‌లు చిత్రాల‌ను దిల్‌రాజు హిందీలో కొంత మంది నిర్మాత‌ల‌తో క‌లిసి నిర్మించే ప్ర‌య‌త్నాలు చేస్తున్నారు. ఇప్ప‌టికే తెలుగులో విజ‌య‌వంతైన ‘జెర్సీ’ చిత్రాన్ని షాహిద్ క‌పూర్‌తో హిందీలో రీమేక్ చేస్తున్నారు. ఇందులో దిల్‌రాజు ఓ నిర్మాత వ్య‌వ‌హ‌రిస్తున్నాడు. ఇది కాకుండా తెలుగులోస‌క్సెస్ అయిన ‘ఎఫ్ 2’ సినిమాను హిందీలో రీమేక్ చేయడానికి స్క్రిప్ట్ వర్క్ చేయిస్తున్నారు.

ఇది కాకుండా తెలుగులో ఈ ఏడాది విజ‌యంత‌మైన ‘హిట్‌’ సినిమాను బాలీవుడ్‌లో దిల్‌రాజు నిర్మించ‌బోతున్నాడ‌ని టాక్‌. తెలుగులో నాని నిర్మించిన హిట్ చిత్రానికి సంబంధించిన హిందీ రీమేక్ హ‌క్కుల‌ను దిల్‌రాజు చేజిక్కించుకున్నాడ‌ట‌. క‌రోనా ప్ర‌భావం కాస్త త‌గ్గు ముఖం ప‌ట్టిన త‌ర్వాత ఈ సినిమా రీమేక్‌కు సంబంధించిన ఆలోచ‌న‌ను మ‌రింత ముందుకు తీసుకెళ్లాల‌ని దిల్‌రాజు యోచిస్తున్నాడ‌ట‌. హిట్ రీమేక్ మ‌ల్టీప్లెక్స్ ఆడియెన్స్‌ను ఆక‌ట్టుకునే అవ‌కాశం ఉంద‌ని దిల్‌రాజు గ‌ట్టిగా న‌మ్మ‌డంతోనే హిట్ సినిమాను రీమేక్ చేయాల‌నుకుంటున్నాడ‌ని టాక్‌.