స‌కుటుంబ స‌మేతంగా చూడ‌ద‌గ్గ మంచి చిత్రాల‌ను అందిస్తూ...అభిరుచి గ‌ల నిర్మాత‌గా త‌న‌కంటూ ఓ ప్ర‌త్యేక గుర్తింపు ఏర్ప‌రుచుకున్నప్ర‌ముఖ నిర్మాత దిల్ రాజు. సునీల్ హీరోగా దిల్ రాజు నిర్మించిన కృష్ణాష్ట‌మి ఈనెల 19న రిలీజ్ అవుతుంది.

ఈ సంద‌ర్భంగా మీడియాతో మాట్లాడిన దిల్ రాజు త‌న మ‌న‌సులో మాట చెబుతూ...ప‌వ‌ర్ స్టార్ ప‌వ‌న్ క‌ళ్యాణ్ తో సినిమా నిర్మించాల‌నేది నా డ్రీమ్ కాదు. అది నా లైఫ్ యాంబిష‌న్. ఆయ‌న‌తో సినిమా అంటే కాంబినేష‌న్ సెట్ అయ్యింద‌ని చేయ‌ను. ముందు నాకు స్ర్కిప్ట్ న‌చ్చాలి. ప‌వ‌న్ క‌ళ్యాణ్ గారితో చేస్తే ఇలాంటి సినిమా చేయాలి అనేంత‌గా కథ కుద‌రాలి. ప్ర‌స్తుతం ప‌వ‌న్ కు త‌గ్గా క‌థ రెడీ అవుతుంది. క‌థ నాకు న‌చ్చితే వెంట‌నే క‌ళ్యాణ్ గార్కి వినిపిస్తాను. ప‌వ‌ర్ స్టార్ కి త‌గ్గ ప‌వ‌ర్ ఫుల్ స్టోరీ కోసం వెయిట్ చేస్తున్నాను అని చెప్పారు దిల్ రాజు. మ‌రి...దిల్ రాజు లైఫ్ యాంబిష‌న్ ఎప్పుడు తీరుతుందో చూడాలి