మెగా హీరో సినిమాను సొంతం చేసుకున్న దిల్‌రాజు
- IndiaGlitz, [Tuesday,December 05 2017]
త‌న స్వంత బ్యాన‌ర్ శ్రీ వెంక‌టేశ్వ‌ర క్రియేషన్స్ బ్యాన‌ర్‌పై ఈ ఏడాది విడుద‌లైన ఫిదా చిత్రంలో నటించిన హీరో వ‌రుణ్ తేజ్ కోసం..నిర్మాత దిల్‌రాజు ఓ స‌పోర్ట్ చేశాడ‌ట. వ‌రుణ్ తేజ్ ప్ర‌స్తుతం నటిస్తున్న చిత్రం 'తొలి ప్రేమ'. ఈ సినిమా ఫిబ్ర‌వ‌రి 9న విడుద‌ల కాబోతుంది.
ఈ సినిమాకు సంబంధించిన థియేట్రిక‌ల్ హ‌క్కుల‌ను ఫ్యాన్సీ ఆఫర్‌తో దిల్‌రాజు సొంతం చేసుకున్నాడు. 'తొలిప్రేమ' చిత్రాన్ని బి.వి.ఎస్.ఎన్‌ప్ర‌సాద్ నిర్మించారు. సినిమా తుది ద‌శ చిత్రీక‌ర‌ణ‌లో ఉంది.
డిసెంబ‌ర్‌లో సినిమా షూటింగ్ పూర్తి చేస్తారు. జ‌న‌వ‌రిలో పోస్ట్ ప్రొడ‌క్ష‌న్ కార్య‌క్ర‌మాల‌ను పూర్తి చేసి సినిమాను విడుద‌లకు సిద్ధం చేస్తారు. వెంకీ అట్లూరి ఈ చిత్రాన్ని డైరెక్ట్ చేశారు.