ఈ ఏడాది `చిత్ర‌ల‌హ‌రి`తో స‌క్సెస్ కొట్టాడు సాయితేజ్‌. వ‌రుస సినిమాల‌ను ట్రాక్ ఎక్కిస్తూ వ‌స్తున్నసాయితేజ్, సుబ్బు అనే కొత్త ద‌ర్శ‌కుడితో క‌లిసి ఓ సినిమా చేయ‌బోతున్నాడు. సీనియ‌ర్ నిర్మాత బి.వి.ఎస్‌.ఎన్‌.ప్ర‌సాద్ ఈ సినిమాను నిర్మిస్తున్నాడ‌ని స‌మాచారం. లేటెస్ట్ సినీ వ‌ర్గాల స‌మాచారం మేర ఈ సినిమాకు `సోలో లైఫే సో బెట‌రు` అనే టైటిల్ ప‌రిశీల‌న‌లో ఉన్న‌ట్లు స‌మాచారం. మ‌నీ చిత్రంలో భ‌ద్రం బీ కేర్ ఫుల్ బ్ర‌ద‌రు.. సాంగ్ నుండి ఈ టైటిల్‌ను తీసుకున్న‌ట్లు క‌న‌ప‌డుతుంది. ల‌వ్ అండ్ రొమాంటిక్ ఎంట‌ర్‌టైన‌ర్‌గా తెర‌కెక్క‌బోయే ఈ సినిమా ఈ ఏడాది చివ‌ర్లోనే ప్రారంభం కానుంద‌ని టాక్‌.

వ‌రుసగా ఆరు ప‌రాజ‌యాల త‌ర్వాత సాయితేజ్‌కు చిత్ర‌ల‌హ‌రి స‌క్సెస్ కాస్త ఊపిరినిచ్చింద‌నే చెప్పాలి. ప‌రాజ‌యాలు నేర్పిన పాఠంతో ఈ కుర్ర హీరో సినిమాల ఎంపిక‌లో ఆచి తూచి అడుగులేస్తున్నాడు. అలాగే బ‌డ్జెట్ ప‌రిమితుల్లోనూ సినిమాలు చేయాల‌నుకుంటున్నాడ‌ట‌. ఆ క్ర‌మంలో ఈ మెగా క్యాంప్ హీరో ఇప్పుడు మారుతి ద‌ర్శ‌క‌త్వంలో `ప్ర‌తిరోజూ పండ‌గే` సినిమాలో న‌టిస్తున్నాడు. ఈ సినిమా చిత్రీక‌ర‌ణ తుది ద‌శ‌కు చేరుకుంది. ఈ చిత్రం డిసెంబ‌ర్‌లో విడుద‌ల కానుంది. దీని త‌ర్వాత కొత్త చిత్రం `భ‌ద్రం బీ కేర్ ఫుల్ బ్ర‌ద‌రు` సినిమాను సెట్స్ పైకి తీసుకెళ్లే ప్ర‌య‌త్నాలు చేస్తున్నాడ‌ట‌. హీరోయిన్‌గా క‌న్న‌డ బ్యూటీ న‌భా న‌టేశ్ పేరు ప‌రిశీల‌న‌లో ఉంద‌ని టాక్‌. ప్ర‌స్తుతం సినిమాకు సంబంధించిన ప్రీ ప్రొడ‌క్ష‌న్ ప‌నులు శ‌ర‌వేగంగా జ‌రుగుతున్నాయి.