గురువు విష‌యంలో జ‌రిగింది శిష్యుడు విష‌యంలోనూ రిపీట్ అవుతుండ‌డం అరుదుగా జ‌రుగుతుంటుంది. స‌రిగ్గా ఇలాంటి ప‌రిస్థితుల‌నే యువ సంగీత సంచ‌ల‌నం త‌మ‌న్ ఎక్స్‌పీరియ‌న్స్ అవుతున్నాడు. మెలోడీ బ్ర‌హ్మ మ‌ణిశ‌ర్మ శిష్యుడుగా టాలీవుడ్‌లో పేరు పొందిన త‌మ‌న్‌.. అప్పుడ‌ప్పుడు ఆయ‌న స్వ‌రాల‌ను అనుస‌రించ‌డ‌మే కాకుండా.. ఆయ‌న మార్గాన్నీ అనుస‌రిస్తున్నాడు.

మ‌హేష్‌బాబుతో త‌న 50 వ చిత్రాన్ని 'ఒక్క‌డు' గా మ‌ణిశ‌ర్మ చేస్తే.. అదే మ‌హేష్‌తో త‌న 50వ చిత్రాన్ని 'ఆగ‌డు' గా చేశాడు త‌మ‌న్‌. ఇక బాల‌కృష్ణ‌తో త‌న తొలి కాంబినేష‌న్ సినిమా 'స‌మ‌ర‌సింహా రెడ్డి' కోసం సంక్రాంతి సంద‌ర్భంలో మ‌ణి సంద‌డి చేస్తే.. త‌మ‌న్ కూడా బాల‌య్య‌తో తొలి కాంబినేష‌న్ మూవీగా చేస్తున్న 'డిక్టేట‌ర్' కోసం అదే సీజ‌న్‌లో ప‌ల‌క‌రించ‌బోతున్నాడు. మ‌హేష్ విష‌యంలో (50వ చిత్రం వెర్ష‌న్‌) గురువు సెంటిమెంట్ వ‌ర్క‌వుట్ కాని త‌మ‌న్‌కి.. బాల‌య్య విష‌యంలో సంక్రాంతి సెంటిమెంట్ అయినా వ‌ర్క‌వుట్ అవుద్దేమో చూడాలి.