அஜீத் நடித்த 'வேதாளம்' படத்தின் DI, அதாவது டிஜிட்டல் மற்றும் VFX பணிகள் ஜெமினி லேபில் நடைபெற்றது. இந்த பணியை பார்க்க அஜீத் ஜெமினி லேபிற்கு வருகை தந்திருந்தார். இதே நேரத்தில் இயக்குனர் பாலா இயக்கிய 'தாரை தப்பட்டை' படத்தின் டப்பிங் பணியும் ஜெமினி லேபில் நடந்து கொண்டிருந்ததால், இயக்குனர் பாலாவும் அங்கு வருகை தந்திருந்தாக தகவல்கள் வெளிவந்துள்ளது.

கடந்த சில வருடங்களுக்கு முன்னர் இயக்குனர் பாலாவின் இயக்கத்தில் 'நான் கடவுள்' படத்தில் அஜீத் நடிக்கவிருந்ததும் அதன்பின்னர் ஒருசில காரணங்களால் இந்த படத்தில் இருந்து அஜீத் விலகியதும் அனைவரும் அறிந்ததே.

இந்நிலையில் பல வருடங்கள் கழித்து மீண்டும் அஜீத்தும் பாலாவும் ஒரே இடத்தில் வருகை தந்துள்ளனர் என்பது குறிப்பிடத்தக்கது. இருவரும் சந்தித்து பேசினார்களா? என்பது குறித்த விபரங்கள் எதுவும் வெளிவரவில்லை எனினும் இரண்டு படக்குழுவினர்களும் இதை ஒரு அபூர்வ நிகழ்வாக கருதியதாக கூறப்படுகிறது.