మెగా ప‌వ‌ర్ స్టార్ రామ్ చ‌ర‌ణ్ - స్టైలీష్ డైరెక్ట‌ర్ సురేంద‌ర్ రెడ్డి కాంబినేష‌న్లో రూపొందుతున్న చిత్రం ధృవ‌. ఈ చిత్రాన్ని గీతా ఆర్ట్స్ బ్యాన్ పై అల్లు అర‌వింద్ నిర్మిస్తున్నారు. త‌మిళ్ లో ఘ‌న విజ‌యం సాధించిన‌ త‌ని ఓరువ‌న్ రీమేక్ గా ధృవ రూపొందుతున్న‌విష‌యం తెలిసిందే. విజ‌య ద‌శ‌మి కానుక‌గా ధృవ టీజ‌ర్ రిలీజ్ చేసారు. నీ స్నేహితుడు ఎవ‌రో తెలిస్తే...నీ క్యారెక్ట‌ర్ తెలుస్తుంది. అదే నీ శ‌త్రువు ఎవ‌రో తెలిస్తే నీ కెపాసిటీ తెలుస్తుంది అంటూ రామ్ చ‌ర‌ణ్ వాయిస్ ఉన్న టీజ‌ర్ చాలా స్టైలీష్ గా ఉంది. విజువ‌ల్స్, రామ్ చ‌ర‌ణ్ స్టైలీష్ లుక్స్ విశేషంగా ఆక‌ట్టుకుంటున్నాయి.

టీజ‌ర్ చివ‌రిలో నా శ‌త్రువును సెలెక్ట్ చేసుకున్నాను అని చెప్పిన‌ చ‌ర‌ణ్ ప్రేక్ష‌కుల ముందుకు వ‌చ్చేందుకు రెడీ అవుతున్నారు. శ‌ర‌వేగంగా షూటింగ్ జ‌రుపుకుంటున్న ధృవ క్రిస్మ‌స్ కానుక‌గా డిసెంబ‌ర్లో ప్రేక్ష‌కుల ముందుకు వ‌చ్చేందుకు రెడీ అవుతుంది.