మెగాప‌వ‌ర్ స్టార్ రామ్ చ‌ర‌ణ్ న‌టించిన తాజా చిత్రం ధృవ‌. ఈ చిత్రంలో అరవింద్ స్వామి నెగిటివ్ రోల్ చేసిన విష‌యం తెలిసిందే. అర‌వింద్ స్వామి ల‌వర్ పాత్ర పోషించిన న‌టి ఫ‌రా. ఈ సినిమా త‌ర్వాత ఫ‌రా న‌టించిన చిత్రం గౌత‌మీపుత్ర శాత‌క‌ర్ణి. జాగ‌ర్ల‌మూడి క్రిష్ తెర‌కెక్కించిన గౌత‌మీపుత్ర శాత‌క‌ర్ణి చిత్రంలో గ్రీకు ప్రిన్సెస్ గా న‌టించింది. రామ్ చ‌ర‌ణ్, బాల‌య్య చిత్రాల్లో న‌టించిన ఫ‌రా ఎవ‌రంటే....హాలెండ్ లో పుట్టి పెరిగింది. హాలెండ్ లో స్కూలింగ్ పూర్తి చేసుకున్న ఫ‌రా ఇంట‌ర్న‌షిప్ కోసం సౌత్ ఆఫ్రికా వెళ్లి అక్క‌డ కొన్ని నెల‌లు వ‌ర్క్ చేసింది. ఆత‌ర్వాత ఇండియాలో మోడ‌లింగ్ రంగంలో ప్ర‌వేశించి కొన్ని టెలివిజ‌న్ క‌మ‌ర్షియ‌ల్ యాడ్స్ చేసింది.

అయితే ఏక్టింగ్ చేయాలి అనే త‌ప‌న‌తో ఏక్టింగ్ & డ్యాన్స్ లో ట్రైనింగ్ తీసుకుంది. ఆఖ‌రికి త‌న హార్డ్ వ‌ర్క్ వ‌ల‌న టెర సుర్రూర్ అనే ఫిల్మ్ ద్వారా బ్రేక్ వ‌చ్చింది. ఆత‌ర్వాత టాలీవుడ్ లో ధృవ‌, గౌత‌మీపుత్ర శాత‌క‌ర్ణి చిత్రాల్లో అవ‌కాశం ద‌క్కించుకుంది. ఈ సంద‌ర్భంగా ఫ‌రా స్పందిస్తూ...అర‌వింద్ గారు & టీమ్ షూటింగ్ టైమ్ లో కోప‌రేట్ చేయ‌డంతో ధృవ సినిమాలో బాగా న‌టించ‌గ‌లిగాను. ఇక బాల‌కృష్ణ గారి 100వ సినిమాలో న‌టించ‌డం అంటే కాస్త టెన్ష‌న్ ప‌డ్డాను. ఆఖ‌రికి బాల‌కృష్ణ గారు, క్రిష్ ప్రొత్సాహం గైడెన్స్ వ‌ల‌న గ్రీకు ప్రిన్సెస్ రోల్ చేయ‌గ‌లిగాను అని తెలిపారు.