இயக்குனர் மாரி செல்வராஜ் இயக்கத்தில் துருவ் விக்ரம் நடிக்கும் படம் ஒன்று உருவாக இருப்பதாகவும் இந்த படத்தை இயக்குனர் பா ரஞ்சித் தயாரிக்க இருப்பதாகவும் வெளிவந்த செய்தியை ஏற்கனவே பார்த்தோம். இந்த நிலையில் இந்த படத்தின் படப்பிடிப்பு தொடங்கும் தகவல் தற்போது வெளிவந்துள்ளது.

தற்போது துருவ் விக்ரம், கார்த்திக் சுப்புராஜ் இயக்கத்தில் உருவாகி வரும் ‘சியான் 60’ என்ற படத்தில் நடித்து வருகிறார் என்பதும், இந்த படத்தில் முதல்முறையாக விக்ரம், துருவ் விக்ரம் இணைந்து நடித்து வருகின்றனர் என்பதும் குறிப்பிடத்தக்கது. இந்த படத்தின் படப்பிடிப்பு ஜூலை உடன் முடிவடைய உள்ளது.

இந்த நிலையில் வரும் ஆகஸ்ட் மாதம் மாரி செல்வராஜ் இயக்கத்தில் உருவாக உள்ள படத்தின் படப்பிடிப்பில் துருவ் விக்ரம் கலந்து கொள்வார் என்று எதிர்பார்க்கப்படுகிறது. இந்த படம் ஒரு கபடி விளையாட்டு வீரரின் உண்மை கதை என்றும் தமிழக கபடி அணி எப்படி தேசிய அளவில் பல வெற்றிகளையும் அதனை அடுத்து ஆசிய கோப்பையையும் வென்றது என்ற கதையம்சம் கொண்டது என கூறப்படுகிறது. இந்த படம் துருவ் விக்ரமுக்கு திருப்புமுனையாக இருக்கும் என்று எதிர்பார்க்கப்படுகிறது.