இந்திய கிரிக்கெட் அணி தற்போது தென்னாப்பிரிக்காவில் சுற்றுப்பயணம் செய்து விளையாடி வருகிறது. கடந்த 5ஆம் தேதி கேப்டவுன் நகரில் தொடங்கிய முதல் டெஸ்ட் போட்டியில் முதல் இன்னிங்ஸில் தென்னாப்பிரிக அணி 286 ரன்களும், இந்திய அணி 209 ரன்களும் எடுத்துள்ளது.

நேற்றைய ஆட்டம் மழையால் பாதிக்கப்பட்ட நிலையில் இன்று தென்னாப்பிரிக்க அணி இரண்டாவது இன்னிங்ஸ் விளையாடியது. இந்திய பந்துவீச்சாளர்களின் அபார பந்துவீச்சு காரணமாக தென்னப்பிரிக்க அணி 130 ரன்களுக்கு ஆட்டமிழந்தது. இந்திய பந்துவீச்சாளர் புவனேஷ்குமார் ஐந்து விக்கெட்டுக்களையும் ஷமி 3 விக்கெட்டுக்களையும் வீழ்த்தினர்.

இந்த நிலையில் இந்த போட்டியில் தோனிக்கு பதிலாக விக்கெட் கீப்பராக விளையாடி வரும் சகா, பத்து கேட்ச்களை பிடித்து சாதனை படைத்துள்ளார். இதன்மூலம் அவர் தோனியின் சாதனையை முறியடித்து ஒரு டெஸ்ட் போட்டியில் அதிக கேட்ச்கள் பிடித்த இந்திய வீரர் என்ற பெருமையை பெற்றுள்ளார்.

இந்த நிலையில் 208 ரன்கள் எடுத்தால் வெற்றி என்ற இலக்கை நோக்கி இந்திய அணி விளையாடி வருகிறது.