சீமான் அவர்களே நீங்கள் செய்வது தவறு! தாக்கப்பட்ட தோனி ரசிகர் ஆவேசம்
- IndiaGlitz, [Wednesday,April 11 2018]
நேற்று நடைபெற்ற சென்னை மற்றும் கொல்கத்தா அணியின் ஐபிஎல் போட்டியை பார்க்க வந்த தோனியின் தீவிர ரசிகர் சரவணன், தனது உடல் முழுவதும் மஞ்சள் பெயிண்டை அடித்து கொண்டு நெஞ்சில் தோனி என்ற எழுத்துடன் போட்டியை பார்க்க சென்றார். அப்போது அவரை ஐபிஎல் போட்டிக்கு எதிராக போராட்டம் செய்த அரசியல் கட்சி தொண்டர்கள் சரமாரியாக தாக்கினர். இதுகுறித்து சரவணன் செய்தியாளர்களுக்கு அளித்த பேட்டியில் கூறியதாவது:
காவிரி பிரச்சனைக்கு போராடும் கட்சியினர் எங்களை தாக்குவது ஒரு தீர்வு கிடையாது. சீமான் அவர்களே நீங்கள் தவறு செய்கிறீர்கள், என்னை உங்கள் ஆட்கள் அடித்தது தவறு. என்னை உங்கள் கட்சியினர் அடித்ததற்கு நீங்கள் பதில் சொல்லியே ஆகணும். நீங்கள் தமிழர்தானே, நடிகர் நடிகைகள் படம் நடித்து கொண்டிருப்பதை உங்களால் நிறுத்த முடியுமா? எல்லா திரையரங்குக்களில் திரைப்படம் ஓடுகிறது, அதை உங்களால் நிறுத்த முடியுமா? ஒவ்வொரு வீட்டிலும் உள்ள டிவியில் சீரியல்களும் ரியாலிட்டி ஷோக்களும் ஓடுவதை உங்களால் நிறுத்த முடியுமா?
இவ்வளவு பேசும் நீங்கள் விவசாயிகளுக்காக என்ன செய்தீர்கள்? என்னுடைய ஒருநாள் சம்பளத்தை விவசாயிகளுக்காக கொடுக்க நான் தயார். விவசாயிகளுக்காக யாருமே எதுவுமே செய்யவில்லை' என்று கூறினார்.
மேலும் தன்னை வாலஜா சாலையில் நாம் தமிழர்கள் தொண்டர்கள் தாக்கியதாகவும், இந்த தாக்குதலுக்கு தக்க நேரத்தில் புகார் கொடுப்பேன் என்றும் கூறியுள்ளார்,.