பிரபு சாலமன் இயக்கத்தில் தனுஷ், கீர்த்தி சுரேஷ் நடித்து முடித்துள்ள திரைப்படத்தின் தலைப்பு, ரிலீஸ் தேதி குறித்த எவ்வித தகவல்களும் வெளிவராத நிலையில் அதற்கு பின்னர் தொடங்கப்பட்ட தனுஷின் 'கொடி' படத்தின் படப்பிடிப்பு இரவுபகலாக விறுவிறுப்பாக நடைபெற்று வரும் நிலையில் தற்போது இந்த படத்தின் ரிலீஸ் தேதி குறித்த தகவல்கள் வெளிவந்துள்ளது.

முதன்முதலாக அண்ணன் தம்பி என இரண்டு வித்தியாசமாக கேரக்டர்களில் தனுஷ் நடித்து வரும் 'கொடி' படத்தில் த்ரிஷா மற்றும் ஷாம்லி நாயகிகளாக நடித்து வருகின்றனர். எதிர்நீச்சல்', 'காக்கி சட்டை' படங்களை இயக்கிய துரைசெந்தில்குமார் இயக்கி வரும் இந்த படம் வரும் ரம்ஜான் தினமான ஜூலை 6-ல் ரிலீஸ் ஆகும் என கூறப்படுகிறது.

ஏற்கனவே ரம்ஜான் தினத்தில்தான் தனுஷின் 'வேலையில்லா பட்டதாரி' மற்றும் 'மாரி' ஆகிய படங்கள் ரிலீஸாகியது. மேற்கண்ட இரண்டு படங்களும் சூப்பர் ஹிட் வெற்றி பெற்றதால் செண்டிமெண்ட்டாக அதே தினத்தில் 'கொடி' படத்தையும் ரிலீஸ் செய்ய படக்குழுவினர் முடிவு செய்துள்ளதாக கூறப்படுகிறது