'தில்லுக்கு துட்டு 2' சென்சார் மற்றும் ரிலீஸ் தேதி குறித்த தகவல்
- IndiaGlitz, [Wednesday,January 30 2019]
சந்தானம் நடித்த 'தில்லுக்கு துட்டு' திரைப்படம் கடந்த 2016ஆம் ஆண்டு நல்ல வெற்றியை பெற்ற நிலையில் இந்த படத்தின் இரண்டாம் பாகமான தில்லுக்கு துட்டு 2 திரைப்படம் தயாராகி சரியான ரிலீஸ் தேதிக்காக காத்திருந்தது.
இந்த நிலையில் இந்த படம் இன்று சென்சாருக்கு சென்றது. சென்சார் அதிகாரிகள் இந்த படத்தை பார்த்து 'யூஏ' சான்றிதழ் வழங்கியுள்ளனர். இதனையடுத்து இந்த படம் பிப்ரவரி 7ஆம் தேதி வெளியாகும் என அதிகாரபூர்வமாக அறிவிக்கப்பட்டுள்ளது.
சந்தானம், தீப்தி, ஷிரிதா சிவதாஸ், ராஜேந்திரன், ஊர்வசி உள்பட பலர் நடித்துள்ள இந்த படத்தை முதல் பாகத்தை இயக்கிய ராம்பாலா இயக்கியுள்ளார். சந்தானம் தயாரிப்பில் உருவாகியுள்ள இந்த படத்திற்கு ஷபிர் இசையமைத்துள்ளார். இந்த படத்தின் ரிலீஸ் தேதி அறிவிக்கப்பட்டதை அடுத்து புரமோஷன் பணிகள் முழுவீச்சில் தொடங்கப்படவுள்ளது.