பிக்பாஸ் சீசன் 3 நிகழ்ச்சியின் டைட்டிலை வெல்வார் என்று அனைவரும் எதிர்பார்க்கப்பட்ட தர்ஷன், கடந்த ஞாயிறு அன்று திடீரென வெளியேற்றப்பட்டது பார்வையாளர்களுக்கு மட்டுமின்றி கமல்ஹாசனுக்கும் பெரும் ஏமாற்றமாக இருந்தது. இதனை அவர் அந்த மேடையில் தர்ஷன் முன்னிலையிலேயே தெரிவித்திருந்தார் என்பது குறிப்பிடத்தக்கது.

இந்த நிலையில் சமீபத்தில் தர்ஷனை நேரில் அழைத்து கமலஹாசன் பேசியதாகவும், இதனை அடுத்து அவர் தற்போது நடித்துக் கொண்டிருக்கும் 'இந்தியன் 2’ படத்தில் தர்ஷனுக்கு ஒரு முக்கிய கேரக்டர் கொடுக்க கொடுத்துள்ளதாகவும், இது குறித்த பேச்சுவார்த்தை இந்த சந்திப்பின்போது நடந்ததாகவும் தகவல்கள் தெரிவிக்கின்றன.

மேலும் ‘இந்தியன் 2’ படத்தில் தர்ஷன் நடிக்க இருப்பது குறித்த அறிவிப்பு விரைவில் வெளிவரும் என எதிர்பார்க்கப்படுகிறது. ஏற்கனவே ‘இந்தியன் 2’ திரைப்படத்தில் சித்தார்த், அனில்கபூர், காஜல் அகர்வால், ரகுல் ப்ரீத் சிங், பிரியா பவானி சங்கர், விவேக் உள்பட பல நட்சத்திர பட்டாளங்கள் நடித்து வரும் நிலையில் தற்போது தர்ஷனும் இணையவிருப்பதாக வெளிவந்துள்ள செய்தியால் இந்த படத்தின் எதிர்பார்ப்பு அதிகரித்து கொண்டே உள்ளது.