ஆஹா குஷி… கோவா வைப்ஸ்… நடிகை தர்ஷா குப்தாவின் கிளாமர் வீடியோ!
- IndiaGlitz, [Saturday,February 19 2022]
தமிழ் தொலைக்காட்சியைத் தொடர்ந்து சமூகவலைத் தளங்கள் மூலமாக ரசிகர்களிடையே பிரபலமானவர் நடிகை தர்ஷா குப்தா. சமீபத்தில் சினிமாவில் அறிமுகமாகி ஒருசில திரைப்படங்களில் நடித்திருக்கும் இவர் வெளியிட்ட ஒரு வீடியோ தற்போது இணையத்தில் தீயாய் பரவி வருகிறது.
மாடலிங் துறையில் கிடைத்த வரவேற்பு மூலமாக தமிழ் தொலைக்காட்சி தொடர்களில் நடித்துவந்தவர் நடிகை தர்ஷா குப்தா. பல பிரபல தொலைக்காட்சிகளில் முன்னணி கதாபாத்திரங்களில் நடித்திருக்கும் இவர் தற்போது ஒரு சில தமிழ் திரைப்படங்களிலும் நடித்துள்ளார். அந்த வகையில் இயக்குநர் மோகன்ஜி இயக்கத்தில் கடந்த 2021 அக்டோபரில் வெளியான “ருத்ரதாண்டவம்“ திரைப்படத்தில் இவர் கதாநாயகியாக நடித்திருந்தார். இந்தத் திரைப்படத்தில் நடிகை தர்ஷா குப்தாவின் நடிப்பும் பேசப்பட்டது.
இதைத் தொடர்ந்து தற்போது சன்னிலியோன நடிக்கும் “ஓ மை கோஸ்ட்“ திரைப்படத்திலும் இவர் நடித்து வருகிறார். மேலும் கொரோனா நேரத்தில் சமூகவலைத்தளங்களில் அதிக நேரங்களைச் செலவிட்ட இவர் சில சமூகச் செயல்பாடுகளிலும் ஈடுபட்டுவந்தார். அந்த வகையில் இளைஞர்களை அதிகம் கவர்ந்த இவர் தற்போது மீடியாவிலும் படு ஆக்டிவாகவே செயல்பட்டு வருகிறார்.
இந்நிலையில் நடிகை தர்ஷா குப்தா தற்போது கோவா சென்றுள்ளார். மேலும் சிவப்பு நிறத்தில் கிளாமரான உடையணிந்த அவர் கோவா திரைப்படத்தில் வரும் கோ கோ கோவா… ஆஹா குஷி, அழகை ரசி என வரும் மெல்லிசையை தனது வீடியோவில் இசைக்க வைத்துள்ளார். இந்த வீடியோவை பார்த்த ரசிகர்கள் அவரை பாராட்டி கமெண்ட்ஸ்களை பதிவிட்டு வருகின்றனர்.