தனுஷின் 'மாரி 2' படப்பிடிப்பு எப்போது?
- IndiaGlitz, [Saturday,April 15 2017]
தனுஷ் இயக்கத்தில் நேற்று வெளியான 'பவர்பாண்டி' திரைப்படம் பாசிட்டிவ் ரிசல்ட் பெற்று அனைத்து திரையரங்குகளிலும் வெற்றிகரமாக ஓடி வருகிறது. இந்த நிலையில் அவர் தற்போது வெற்றிமாறனின் 'வடசென்னை' படப்பிடிப்பில் பிசியாக உள்ளார். மேலும் அவர் நடித்து வரும் 'எனைநோக்கி பாயும் தோட்டா' திரைப்படத்தின் படப்பிடிப்பும் முடிவடையும் தருவாயில் உள்ளது.
இந்த நிலையில் கடந்த சில மாதங்களுக்கு முன்னர் தனுஷ், காஜல் அகர்வால் நடித்த 'மாரி' படத்தின் இரண்டாம் பாகமான 'மாரி 2' படத்தில் தனுஷ் நடிக்கவுள்ளதாகவும் இந்த படத்தின் கதையை இயக்குனர் பாலாஜி மோகன் எழுதிவருவதாகவும் தகவல்கள் வந்துள்ளது.
தற்போது வெளிவந்துள்ள புதிய தகவலின்படி இந்த படத்தின் கதை மற்றும் திரைக்கதை தயாராகிவிட்டதாகவும், வரும் ஆகஸ்ட் முதல் இந்த படத்தின் படப்பிடிப்பு தொடங்கும் என்றும் கூறப்படுகிறது.
முதல் பாகத்தில் நடித்த காஜல் அகர்வால், ரோபோசங்கர் உள்ளிட்ட பல நட்சத்திரங்கள் இரண்டாம் பாகத்திலும் நடிப்பார்கள் என்றும் இதுகுறித்த அதிகாரபூர்வ அறிவிப்பு மிக விரைவில் வெளியாகும் என்றும் கூறப்படுகிறது. மேலும் கார்த்திக் சுப்புராஜ் இயக்கத்தில் தனுஷ் நடிக்கவுள்ள படமும் இவ்வருட இறுதியில் தொடங்கும் என்று எதிர்பார்க்கப்படுகிறது.