கோலிவுட் திரையுலகில் நடிகர், பாடகர், பாடலாசிரியர், இயக்குனர், தயாரிப்பாளர் என பல்வேறு அவதாரங்கள் எடுத்த தனுஷ் தற்போது மலையாள படம் ஒன்றுக்காக பாடல் எழுதி அந்த பாடலை பாடியும் உள்ளார்.

மலையாள திரையுலகின் முன்னணி நடிகர்களில் ஒருவரான பிரித்விராஜ் நடித்து வரும் திரைப்படம் 'பிரதர்ஸ் டே'. இந்த படம் வரும் செப்டம்பர் மாதம் வெளியாகவிருக்கும் நிலையில் இந்த படத்திற்காக ஒரு டியூனை கம்போஸ் செய்த இசையமைப்பாளர் 4 மியூசிக் நதிர்ஷா, அந்த டியூனுக்கு பாடல் எழுதி தரும்படி தனுஷை கேட்டுக்கொண்டார். தனுஷ் அந்த டியூனுக்கு பாடல் எழுதி தருவதோடு பாடியும் தர சம்மதித்துள்ளார். இந்த பாடல் மலையாள திரையுலகின் 'ஒய் திஸ் கொலைவெறி'யாக இருக்கும் என எதிர்பார்க்கப்படுகிறது.

பிரித்விராஜ், பிரசன்னா, ஐஸ்வர்யா லட்சுமி, பிரக்யா, மடோனா செபாஸ்டியன், மியா ஜார்ஜ் உள்பட பலர் நடித்துள்ள 'பிரதர்ஸ் டே' படத்தை கலாபவன் ஷாஜான் இயக்கியுள்ளார்.