தனுஷ் நடித்து வரும் 'கொடி' படத்தின் படப்பிடிப்பு கடந்த சில வாரங்களாக விறுவிறுப்புடன் பொள்ளாச்சி பகுதியில் நடைபெற்று வருகிறது. எதிர்நீச்சல், காக்கி சட்டை ஆகிய படங்களை இயக்கிய துரை செந்தில்குமார் இயக்கி வரும் இந்த படத்தில் தனுஷ் முதன்முதலாக இரண்டு வித்தியாசமான வேடங்களில் நடிக்கின்றார்.

இந்த படத்தில் தனுஷூக்கு ஜோடியாக ஷாலினி அஜித்தின் தங்கை ஷாமிலி மற்றும் த்ரிஷா ஆகியோர் நடிக்கவுள்ளதாக அதிகாரபூர்வமாகவே அறிவிக்கப்பட்டது. ஆனால் படம் கிட்டத்தட்ட பாதிக்கும் மேல் முடிவடைந்த நிலையில் ஷாமிலி இதுவரை படப்பிடிப்பில் கலந்து கொள்ளவில்லையாம்.

மேலும் இந்த படத்தில் ஷாமிலி நடிக்கவில்லை என்றும் ஷாமிலிக்கு பதிலாக 'காதலும் கடந்து போகும்' நாயகி மடோனா செபாஸ்டியன் நடிக்கவுள்ளதாகவும் ஒரு செய்தி பரவி வருகிறது. ஆனால் படக்குழுவினர் இந்த தகவலை உறுதிப்படுத்தவில்லை என்பது குறிப்பிடத்தக்கது.