ధనుష్ వెబ్ సిరీస్...
- IndiaGlitz, [Thursday,August 10 2017]
ఇప్పుడు యూత్ అంతా కొత్త‌గా ఏదో ఒక‌టి అన్వేష‌ణ చేస్తూనే ఉంది. ఒక‌ప్పుడు సినిమాలే హాస్యాన్ని ప్రేక్ష‌కుల‌కు అందించేవి. త‌ర్వాత టీవీలు వ‌చ్చాయి. ఇప్పుడు డిజిటల్ టెక్నాల‌జీ పుణ్యామా అని వెబ్ ఛానెల్స్ అన్ని అందులో బాటులోకి వ‌చ్చాయి. చిరంజీవి, నాగార్జున, ఎన్టీఆర్ వంటి స్టార్స్ కూడా బుల్లితెరవైపు అడుగులేశారు.
ఈత‌రానికి చెందిన చాలా మంది యువ హీరోలందరూ వెబ్‌సిరీస్‌ల్లో నటిస్తున్నారు. చాలా మంది యువ ద‌ర్శ‌కులు షార్ట్ ఫిలిం ద్వారానే సినీ ప‌రిశ్ర‌మ‌లోకి అడుగుపెడుతున్నారు. ఇప్పుడు అదే బాట‌లో ప్ర‌యాణించ‌డానికి సిద్ధ‌మ‌వుతున్నాడు హీరో, నిర్మాత, ద‌ర్శ‌కుడు ధనుష్.
ధనుష్ హీరోగా న‌టించిన విఐపి2 రేపు త‌మిళంలో విడుద‌ల కానుంది. ఈ స‌మ‌యంలో ధనుష్ తన స్వీయ ద‌ర్శ‌క‌త్వంలో ఓ వెబ్ సిరీస్‌ను చేయ‌నున్నాడ‌ట. ఎప్ప‌టి నుండో వెబ్ సిరీస్ చేయాల‌నే ఆలోచ‌న ఉన్న‌ప్ప‌టికీ బిజీగా ఉండ‌టం వ‌ల్ల వెబ్ సిరీస్ చేయ‌డానికి వీలు ప‌డ‌లేద‌ని, ఇప్ప‌టికి కుదిరింద‌ని ధనుష్ తెలిపార‌ట. ఇప్పుడిదే హాట్ టాపిక్ అయ్యింది.