ధనుష్ వెర్సెస్ శివ కార్తికేయన్
- IndiaGlitz, [Friday,October 21 2016]
రఘువరన్‌ బి.టెక్‌' చిత్రంతో తెలుగులోనూ మంచి ఫ్యాన్‌ ఫాలోయింగ్‌ సంపాదించుకున్న హీరో ధనుష్. త‌మిళ్ లో ధనుష్ న‌టించిన కోడి అనే టైటిల్ తో రూపొందిన చిత్రాన్ని ధ‌ర్మ‌యోగి అనే టైటిల్ తో తెలుగులో రిలీజ్ చేస్తున్నారు. ఈ చిత్రంలో ధనుష్ మొద‌టిసారి ద్విపాత్రాభిన‌యం చేయ‌డం విశేషం. ఆర్.ఎస్.దురై సెంథిల్ కుమార్ తెర‌కెక్కించిన ఈ చిత్రంలో త్రిష, అనుప‌మ ప‌ర‌మేశ్వ‌ర‌న్ న‌టించారు.
ఇక శివ కార్తికేయన్ న‌టించిన చిత్రం రెమో. ఈ చిత్రంలో శివ కార్తికేయన్ స‌ర‌స‌న నేన శైల‌జ ఫేమ్ కీర్తి సురేష్ న‌టించింది. భాక్కియ‌రాజ్ క‌న్న‌న్ ద‌ర్శ‌క‌త్వంలో రూపొందిన ఈ చిత్రానికి అనిరుధ్ సంగీతం అందించారు. ఈ చిత్రాన్ని దిల్ రాజు తెలుగు ప్రేక్ష‌కుల‌కు అందిస్తున్నారు. ధనుష్ న‌టించిన ధ‌ర్మ‌యోగి, శివ‌కార్తికేయ‌న్ రెమో ఈ రెండు చిత్రాల ఆడియో వేడుకలు హైద‌రాబాద్ లో ఒకే రోజు, ఒకే వేదిక‌లో రిలీజ్ అవుతుండ‌డం విశేషం. ధనుష్, శివ కార్తికేయన్ వీరిద్ద‌రి మ‌ధ్య కోలీవుడ్ లో పోటీ న‌డుస్తుంది అంటూ వార్త‌లు వ‌స్తున్నాయి. ఈ నేప‌ధ్యంలో ఈ కోలీవుడ్ హీరోలు టాలీవుడ్ లో కూడా పోటీప‌డుతుండ‌డం విశేషం.