'వీఐపీ2' వాయిదా పడింది..!
- IndiaGlitz, [Thursday,July 20 2017]
ధనుష్ హీరోగా న‌టించిన 'వీఐపీ2' విడుద‌ల వాయిదా పడింది. అమ‌లాపాల్ హీరోయిన్‌గా న‌టించిన సినిమా ఇది. సౌంద‌ర్య రజనీకాంత్ ద‌ర్శ‌క‌త్వం వ‌హించారు. ధనుష్ పుట్టిన‌రోజును పుర‌స్క‌రించుకుని ఈ నెల 28న 'వీఐపీ2'ను విడుద‌ల చేయాల‌ని భావించారు. కానీ కొన్ని అనివార్య కార‌ణాల వ‌ల్ల ఈ సినిమా విడుద‌ల‌ను ఆగ‌స్ట్ మొద‌టివారానికి వాయిదా వేశారు.
ఈ విష‌యాన్ని చిత్ర యూనిట్ ప్ర‌క‌టించింది. వండ‌ర్‌బా ఫిల్మ్స్, వీ క్రియేషన్స్ నిర్మిస్తున్న సినిమా ఇది. ఈ సినిమా వాయిదా విష‌యాన్ని సౌంద‌ర్య రజనీకాంత్ కూడా త‌న ట్విట్ట‌ర్ ద్వారా ధ్రువీక‌రించారు. ధనుష్ అభిమానులు సంయ‌మ‌నంతో అర్థం చేసుకుంటార‌ని ఆమె అందులో పేర్కొన్నారు. వేలై ఇల్లాద ప‌ట్ట‌దారి సినిమా తెలుగులోనూ మంచి విజ‌యాన్ని సొంతం చేసుకోవ‌డంతో తెలుగు రాష్ట్రాల్లోనూ ఈ సినిమాపై మంచి అంచ‌నాలే ఉన్నాయి. కాజోల్ ఇందులో కీల‌క పాత్ర పోషించిన విష‌యం కూడా తెలిసిందే. రీతు వ‌ర్మ, స‌ముద్ర‌ఖ‌ని, శ‌ర‌ణ్య పొన్ వ‌ణ్ణ‌న్ ఇత‌ర పాత్ర‌ల్లో న‌టించారు.