தனுஷ்-வெற்றிமாறனின் 'வடசென்னை' படப்பிடிப்பு தொடங்குவது எப்போது?
- IndiaGlitz, [Tuesday,February 23 2016]
தனுஷ் நடித்து வரும் 'கொடி' படத்தின் படப்பிடிப்பு இறுதிக்கட்டத்தை நெருங்கியுள்ள நிலையில் இந்த படத்தை அடுத்து அவர் கவுதம்மேனனின் 'எனை நோக்கி பாயும் தோட்டா' என்ற படத்தில் நடிக்கவுள்ளதாக தனது சமூக வலைத்தளத்தில் உறுதிசெய்தார்.
மேலும் ஜூன் முதல் ஹாலிவுட் படத்திற்கு அவர் கால்ஷீட் கொடுத்துள்ளதால், தனுஷ்-வெற்றிமாறன் மீண்டும் இணையும் 'வடசென்னை' படத்தின் படப்பிடிப்பு எப்போது? என்ற கேள்வி எழுந்துள்ளது.
இதற்கு பதிலளித்துள்ள வெற்றிமாறன், வரும் மே மாதம் 'வடசென்னை' படத்தின் படப்பிடிப்பு தொடங்கும் என்றும் இந்த படத்திற்கான ஆரம்பகட்ட பணிகள் விறுவிறுப்பாக நடைபெற்று வருகிறது என்றும் கூறியுள்ளார்.
எனவே மே மாதத்திற்கு முன்பாகவே தனுஷ்-கவுதம்மேனன் இணையும் 'எனை நோக்கி பாயும் தோட்டா' படத்தின் படப்பிடிப்பு முடிந்துவிடும் என்று எதிர்பார்க்கப்படுகிறது.