'பொல்லாதவன்' விளையாட்டை 'வடசென்னைக்கு' கொண்டு வந்த தனுஷ்-வெற்றிமாறன்
- IndiaGlitz, [Friday,June 24 2016]
உலகநாயகன் கமல்ஹாசன் 'சத்யா' படத்திலும், இளளயதளபதி விஜய் 'திருமலை' படத்திலும் கேரம் விளையாட்டு விளையாடும் காட்சிகள் இடம்பெற்றுள்ளன என்பது அனைவரும் அறிந்ததே. இந்நிலையில் 'வடசென்னை' படத்திலும் தனுஷ் கேரம் விளையாடுவது போன்ற காட்சிகள் இருப்பதாகவும் இதற்காக அவர் கேரம் பயிற்சியாளரிடம் பயிற்சி பெற்று வருவதாகவும் கூறப்படுகிறது.
வெற்றிமாறன் இயக்கத்தில் சந்தோஷ் நாராயணன் இசையில் நேற்று முதல் படப்பிடிப்பு தொடங்கியுள்ள 'வடசென்னை' படத்தின் படப்பிடிப்பு விறுவிறுப்பாக நடைபெற்று வருகிறது. இந்த படத்திற்காக சென்னையில் மிக பிரமாண்டமாக ஜெயில் செட் ஒன்று போடப்பட்டு அதில் படப்பிடிப்பு நடைபெற்று வருகிறது. இந்த படத்தில் தனுஷூக்கு ஜோடியாக சமந்தா நடிக்கவுள்ளார்.
இந்நிலையில் தனுஷ் நடித்து முடித்துள்ள 'தொடரி' மற்றும் 'கொடி' படங்களின் ரிலீஸ் தேதி விரைவில் அறிவிக்கவுள்ளதாக கூறப்படுகிறது.