மீண்டும் சிம்பு-தனுஷ் போட்டி ஆரம்பமா?
Wednesday, September 28, 2016 • தமிழ்
Listen to article
--:-- / --:--
1x
This is a beta feature and we would love to hear your feedback?
Send us your feedback to audioarticles@vaarta.com
Send us your feedback to audioarticles@vaarta.com
சிம்புவும் தனுஷூம் கடந்த சில ஆண்டுகளாகவே கோலிவுட்டின் போட்டியாளர்களாக கருதப்படுவதுண்டு. இருவரது ரசிகர்களும் அவ்வப்போது சமூக வலைத்தளங்களில் மோதிக்கொள்வதும் உண்டு.
படிக்காதவன் படத்தில் தமன்னாவை பார்த்து தனுஷ், "என்னை மாதிரி பசங்கள பார்த்த உடனேயே பிடிக்காது பார்க்க பார்க்கத்தான் பிடிக்கும்" என்று கூறுவார். அதே டயலாக்கை வாலு படத்தில் ஹன்சிகா, சிம்புவை பார்த்து, "ஒரு சில பசங்கள பார்க்க பார்க்கத்தான் பிடிக்கும். ஆனா உன்னை மாதிரி பசங்கள பார்த்த உடனே பிடிச்சிடும்" என்று வசனம் பேசுவதுபோல் காட்சி உள்ளது. இந்த காட்சிகள் தற்செயலாக நடந்ததா? அல்லது தாக்குவதற்காக நடந்ததா? என்று ஒரு பட்டி மன்றமே வைக்கலாம்.
இதுபோல் ஒருசில திரைப்பட காட்சிகள் மூலம் தனுஷ்-சிம்பு மோதுவதாக கூறப்பட்டாலும் கடந்த சில வருடங்களாக இருவரும் நட்புடன் பழகி வருகின்றனர். இந்நிலையில் தற்போது மீண்டும் இருவருக்கும் இடையே போட்டி ஆரம்பமாகிவிட்டதா? என்று எண்ணும் அளவுக்கு ஒரு நிகழ்ச்சி நடந்துள்ளது.
தனுஷ் நடித்த 'கொடி' படத்தின் மோஷன் போஸ்டர் இன்று இரவு ஏழு மணிக்கு வெளியாகும் என்று நேற்றே அறிவிக்கப்பட்டுள்ளது. இன்னும் ஒருசில நிமிடங்களில் இந்த போஸ்டர் வெளியாகும் என்று எதிர்பார்க்கப்படும் நிலையில் கிட்டத்தட்ட அதே நேரத்தில் அதாவது 7 மணியில் இருந்து 7.30 மணிக்குள் சிம்பு தனது ரசிகர்களுக்கு விருந்தளிக்கும் வகையில் ஒரு முக்கிய அறிவிப்பை அறிவிக்க உள்ளதாக செய்திகள் வெளிவந்துள்ளது. சரியாக ஒரே நாளில், ஒரே நேரத்தில் தனுஷ், சிம்பு இருவருமே தங்கள் ரசிகர்களுக்கு முக்கிய அறிவிப்பினை வெளியிடுவது மீண்டும் இருவருக்கும் இடையே போட்டி ஆரம்பித்து விட்டதா? என்று எண்ண தோன்றுகிறது.
Follow @ Google News: கூகுள் செய்திகள் பக்கத்தில் இந்தியாக்ளிட்ஸ் தமிழ் இணையதளத்தை இங்கே கிளிக் செய்து ஃபாலோ செய்யுங்கள்.. செய்திகளை உடனுக்குடன் பெறுங்கள்.
Follow
More News
Headlines
Comments