தனுஷின் 'கொடி' மோஷன் போஸ்டர் வெளியாகும் தேதி-நேரம்
- IndiaGlitz, [Sunday,September 25 2016]
தனுஷ் நடித்த 'தொடரி' திரைப்படம் கடந்த வியாழன் அன்று வெளியாகி திரையரங்குகளில் ஓடிக்கொண்டிருக்கும் நிலையில் தனுஷ் நடித்து முடித்துள்ள இன்னொரு திரைப்படம் 'கொடி' வரும் தீபாவளி தினத்தில் வெளியாகவுள்ளது.
இந்நிலையில் 'கொடி' படத்தின் மோஷன் போஸ்டர் வரும் 28ஆம் தேதி இரவு 7மணிக்கு வெளியாகும் என்றும் படக்குழுவினர் அறிவித்துள்ளனர். இந்த தகவலை தனுஷ் தனது சமூக வலைத்தளத்தில் உறுதி செய்துள்ளார்.
அரசியல் த்ரில்லர் படமான 'கொடி' படத்தில் தனுஷ் முதன்முதலாக தந்தை, மகன் என இரண்டு வேடங்கள் ஏற்று நடித்துள்ளார். தனுஷுடன் முதன்முதலாக த்ரிஷா மற்றும் அனுபமா பரமேஸ்வரன் நடித்துள்ள இந்த படத்தில் இளையதளபதி விஜய்யின் தந்தை எஸ்.ஏ.சந்திரசேகர் உள்ளிட்ட பலர் நடித்துள்ளனர். 'எதிர்நீச்சல், 'காக்கி சட்டை' பட இயக்குனர் துரை செந்தில்குமார் இயக்கியுள்ள இந்த படத்தை தனுஷின் வொண்டர்பார் பிலிம்ஸ் தயாரித்துள்ளது. சந்தோஷ் நாராயணன் இந்த படத்திற்கு இசையமைத்துள்ளார்.