செளந்தர்யா ரஜினியின் அடுத்த ஹீரோ இவர்தானா?
- IndiaGlitz, [Wednesday,October 26 2016]
சூப்பர் ஸ்டார் ரஜினிகாந்த் நடிப்பில் இந்தியாவின் முதல் கேப்சர் மோஷன் திரைப்படமான 'கோச்சடையான்' படத்தை இயக்கிய செளந்தர்யா ரஜினிகாந்த் விரைவில் 'நிலவுக்கு என்மேல் என்னடி கோபம்' என்ற படத்தை இயக்கவுள்ளார்.
இந்த படத்தில் புதுமுகங்கள் நடிப்பார்கள் என்றும் மோகன்லால் மகன் ப்ரணவ் நடிப்பார் என்றும் கூறப்பட்ட நிலையில் தற்போது இந்த படத்தின் ஹீரோவாக தனுஷ் நடிக்கவுள்ளதாக தகவல்கள் வெளிவந்துள்ளது.
தனுஷ் தற்போது இயக்கி வரும் 'பவர்பாண்டி' திரைப்படத்தின் படப்பிடிப்பு முடிவடையும் நிலையில் இருப்பதாகவும், நவம்பர் இறுதியில் அவர் செளந்தர்யா இயக்கத்தில் நடிப்பார் என்றும் கூறப்படுகிறது.
மேலும் இந்த படத்தின் நாயகியாக சோனம்கபூர் முதல் பல நாயகிகள் பரிசீலனையில் இருப்பதாகவும் விரைவில் நாயகி யார் என்பது முடிவு செய்யப்படும் என்றும் தெரிகிறது.