தனுஷ் இயக்கிய முதல் படமான ப.பாண்டி திரைப்படம் அனைத்து தரப்பினர்களின் வரவேற்பை பெற்று சூப்பர் ஹிட் ஆகியுள்ள நிலையில் அவர் இரண்டாவது படத்தை விரைவில் இயக்கவுள்ளார் என்பதையும், இந்த படத்தை ஸ்ரீதேனாண்டாள் பிலிம்ஸ் நிறுவனம் பிரமாண்டமாக தயாரிக்கவுள்ளது என்பதையும் ஏற்கனவே பார்த்தோம்

இந்த நிலையில் தனுஷ் இயக்கவுள்ள இரண்டாவது படத்தில் அவரே முக்கிய வேடத்தில் நடிக்கவுள்ளார் என்பதும் தெரிந்ததே. இந்த படத்தில் தனுஷ் இதுவரை ஏற்றிராத மாற்றுத்திறனாளி வேடத்தில் நடிக்கவுள்ளாராம். அதாவது தனுஷ் இந்த படத்தில் வாய் பேச முடியாத, காது கேட்க முடியாத கேரக்டரில் நடிக்கவுள்ளதாக கூறப்படுகிறது.

மேலும் இந்த படத்தின் ஒரு முக்கிய கேரக்டரில் மெகா ஸ்டார் சிரஞ்சீவி அல்லது நாகார்ஜூனா ஆகிய இருவரில் ஒருவர்  நடிக்க வாய்ப்பு இருப்பதாகவும் கூறப்படுகிறது. முதல் படம் போலவே தனுஷ் இயக்கவுள்ள இந்த இரண்டாவது படமும் வித்தியாசமான படமாக இருக்கும் என்று வெளிவந்து கொண்டிருக்கும் செய்திகளில் இருந்து தெரியவருகிறது