மெர்சல் தயாரிப்பாளருக்காக தனுஷ் எடுக்கும் 2வது முயற்சி
- IndiaGlitz, [Thursday,December 14 2017]
தளபதி விஜய் நடித்த சூப்பர் ஹிட் படத்தை தயாரித்த ஸ்ரீதேனாண்டாள் பிலிம்ஸ் நிறுவனம், அடுத்ததாக தனுஷுடன் கைகோர்க்கவுள்ளதாக வெளிவந்த செய்தியை கடந்த மாதம் பார்த்தோம்
இந்த நிலையில் இந்த படத்தில் தனுஷ் நடிப்பது மட்டுமின்றி இயக்கவும் உள்ளதாக தகவல்கள் வெளிவந்துள்ளது. தனுஷ் இயக்கிய முதல் படமான பா.பாண்டி படத்தில் அவர் சிறப்பு தோற்றத்தில் மட்டுமே தோன்றியிருப்பார். ஆனால் இந்த படத்தில் தனுஷ் முக்கிய வேடத்தில் நடிக்கவுள்ளதாகவும் இதுவொரு பீரியட் படம் என்றும் கூறப்படுகிறது.
தனுஷ் தற்போது வெற்றிமாறன் இயக்கி வரும் 'வடசென்னை' மற்றும் கவுதம் மேனன் இயக்கி வரும் 'எனை நோக்கி பாயும் தோட்டா' படங்களில் நடித்து வருகிறார். இதனையடுத்து அவர் பாலாஜி மோகனின் 'மாரி 2' படப்பிடிப்பில் கலந்து கொள்வார் என்று எதிர்பார்க்கப்படுகிறது. இந்த மூன்று படங்களையும் முடித்த பின்னர் தனுஷ் தனது 2வது இயக்க படத்தை தொடங்குவார் என்று கூறப்படுகிறது.