దర్శకుడిగా మారుతున్న స్టార్ హీరో..!
- IndiaGlitz, [Wednesday,September 07 2016]
దర్శకుడిగా మారుతున్న స్టార్ హీరో ఎవ‌రో కాదు ధ‌నుష్. గీత ర‌చ‌యిత‌గా, సింగ‌ర్ గా, ప్రొడ్యూస‌ర్ గా మారిన నేష‌న‌ల్ విన్నింగ్ ఏక్ట‌ర్ ధ‌నుష్ ఇప్పుడు డైరెక్ట‌ర్ గా ఓ చిత్రాన్ని రూపొందిస్తున్నాడు. ధ‌నుష్ ద‌ర్శ‌క‌త్వంలో రూపొందుతున్న తొలి చిత్రానికి ప‌వ‌ర్ పండి అనే టైటిల్ ఖ‌రారు చేసారు. ఈ చిత్రంలో పందెంకోడి ఫేమ్ రాజ్ కిర‌ణ్ ముఖ్య‌పాత్ర పోషిస్తున్నారు. ప్ర‌స‌న్న, చ‌యా సింగ్ ముఖ్య‌పాత్ర‌లు పోషిస్తున్నారు. ఈ మూవీ షూటింగ్ ఈరోజు ప్రారంభించారు.
ఈ చిత్రాన్ని ధ‌నుష్ నిర్మాణ సంస్థ వండ‌ర్ బార్ ఫిల్మ్స్ నిర్మిస్తుంది. ధ‌నుష్ ఫాద‌ర్ కస్తూరి రాజా దర్శకుడిగా తొలి చిత్రాన్ని 1991లో రాజ్ కిర‌ణ్ తోనే తెర‌కెక్కించారు. ఇప్పుడు 25 సంవ‌త్స‌రాల త‌ర్వాత ధ‌నుష్ కూడా తండ్రి కస్తూరి రాజా వ‌లే రాజ్ కిర‌ణ్ తోనే తొలి చిత్రాన్ని తెర‌కెక్కిస్తుండ‌డం విశేషం.