தனுஷ் இயக்கிய 'பவர்பாண்டி' திரைப்படம் சமீபத்தில் வெளியாகி அனைத்து தரப்பினர்களின் பாராட்டுக்களை பெற்று வெற்றிகரமான 25வது நாள் என்ற மைல்கோட்டை நேற்று கடந்தது. இந்த நிலையில் தனுஷின் 'விஐபி 2' திரைப்படத்தின் படப்பிடிப்பு முடிவடைந்து போஸ்ட் புரடொக்ஷன்ஸ் பணிகள் விறுவிறுப்பாக நடைபெற்று வருகிறது.

இந்நிலையில் இந்த படம் வெளிவரும் தேதி குறித்த முக்கிய அறிவிப்பை தனுஷ் இன்று அறிவிக்கவுள்ளார். இந்த தகவலை தனுஷ் தனது சமூக வலைத்தளத்தில் உறுதி செய்துள்ளார். இதனால் தனுஷ் ரசிகர்கள் உற்சாகத்தின் எல்லைக்கே சென்றுள்ளனர்.

தனுஷ், அமலாபால், கஜோல், சமுத்திரக்கனி, சரண்யா, விவேக், மோனல் கஜ்ஜார், ரிஷிகேஷ் உள்பட பலர் நடித்துள்ள இந்த படத்திற்கு சீன் ரோல்டன் இசையமைத்துள்ளார். சமீர் தாஹிர் ஒளிப்பதிவாளராகவும், சத்யராஜ் நடராஜன் படத்தொகுப்பாளராகவும் பணிபுரிந்துள்ள இந்த படத்தை கலைப்புலி எஸ்.தாணு மற்றும் தனுஷ் ஆகியோர் இணைந்து தயாரித்துள்ளனர்.