அனேகன்' மாரி' படங்களை தொடர்ந்து இவ்வருடத்தின் மூன்றாவது தனுஷ் படமான 'தங்கமகன்' திரைப்படம் இம்மாதம் ரிலீஸ் ஆகும் என எதிர்பார்க்கப்படும் நிலையில், இந்த படத்தின் டிரைலர் நேற்று மாலை ரிலீஸ் ஆகி தனுஷ் ரசிகர்கள் மட்டுமின்றி அனைத்து தரப்பினர்களின் பேராதரவை பெற்றது.

இந்நிலையில் இந்த படம் இன்று சென்சார் செய்யப்படவுள்ளதாகவும், சென்சார் சர்டிபிகேட் கிடைத்ததும் இந்த படத்தின் ரிலீஸ் தேதி அதிகாரபூர்வமாக அறிவிக்கப்படும் என்றும் கூறப்படுகிறது.

நேற்று வெளியான டிரைலரில் இருந்தே இந்த படம் குடும்ப செண்டிமெண்ட் மற்றும் ரொமான்ஸ் காட்சிகள் நிறைந்த படம் என்பது உறுதியாகியுள்ளதால் இந்த படத்திற்கு 'யூ' சர்டிபிகேட் கிடைக்கும் என எதிர்பார்க்கப்படுகிறது.

தனுஷ், சமந்தா, எமிஜாக்சன், சதீஷ், ராதிகா சரத்குமார், கே.எஸ்.ரவிகுமார் மற்றும் பலர் நடித்துள்ள இந்த படத்திற்கு அனிருத் இசையமைத்துள்ளார். 'வேலையில்லா பட்டதாரி' பட இயக்குனர் வேல்ராஜ் இயக்கியுள்ள இந்த படத்தை தனுஷின் வொண்டர்பார் பிலிம்ஸ் நிறுவனம் தயாரித்துள்ளது. குமரன் ஒளிப்பதிவு செய்துள்ள இந்த படத்திற்கு ராஜேஷ் குமார் படத்தொகுப்பு செய்துள்ளார்.