தனுஷின் 'தங்கமகன்' டிரைலர் ரிலீஸ் தேதி அறிவிப்பு
- IndiaGlitz, [Thursday,December 10 2015]
இந்த வருடத்தில் தனுஷ் நடித்த 'அனேகன்' மற்றும் 'மாரி' ஆகிய இரண்டு படங்களுமே வெற்றி பெற்றுள்ள நிலையில் வரும் 18ஆம் தேதி வெளியாகும் 'தங்க மகன்' திரைப்படமும் வெற்றி பெற்று ஹாட்ரிக் வெற்றியை தனுஷ் பெறுவார் என அவரது ரசிகர்களால் எதிர்பார்க்கப்படுகிறது.
சென்னை உள்பட தமிழகத்தில் ஏற்பட்ட மழை, வெள்ளத்தின் தாக்கம் ஓரளவுக்கு முடிவடைந்து இயல்பு நிலை திரும்பி வருவதால் வரும் 18ஆம் தேதி வெளிவரும் 'தங்க மகன்' திரைப்படத்திற்கு பெரும் எதிர்பார்ப்பு ஏற்பட்டுள்ளது.
இந்நிலையில் இந்த படத்தின் டிரைலர் இன்று மாலை 6 மணிக்கு இணையதளங்களில் வெளியாகும் என தகவல் வெளியாகியுள்ளது. இந்த தகவலை தனுஷ் தனது சமூக வலைத்தளத்தில் உறுதி செய்துள்ளார்.
தனுஷ், சமந்தா, எமிஜாக்சன், கே.எஸ்.ரவிகுமார், ராதிகா உள்பட பலர் நடித்துள்ள இந்த திரைப்படத்திற்கு அனிருத் இசையமைத்துள்ளார். 'விஐபி' இயக்குனர் வேல்ராஜ் இந்த படத்தை இயக்கியுள்ளார்.