இந்தியாவிலேயே அதிக திரைப்படங்கள் ரிலீஸ் செய்யும் கோலிவுட் திரையுலகில் வருடத்திற்கு சுமார் 200 படங்கள் வெளியாகின்றது. 52 வாரங்களில் 200 படங்கள் என்றால் சராசரியாக வாரம் ஒன்றுக்கு 4 படங்கள் வெளியாகின்றது.

கடந்த 2014ஆம் ஆண்டு 209 திரைப்படங்கள் வெளியாகியுள்ளது. 2015ஆம் ஆண்டு நிறைவடையும் நிலையில் இதுவரை 199 படங்கள் வெளியாகியுள்ளது. நாளை வெளியாகவுள்ள தனுஷின் 'தங்கமகன்' இவ்வருடத்தில் வெளியாகும் 200வது படம் என்பது குறிப்பிடத்தக்கது.

அடுத்த வாரம் கிறிஸ்துமஸ் விடுமுறை வாரம் என்பதால் குறைந்தது ஆறு படங்கள் வெளியாகலாம் என எதிர்பார்க்கபப்டுகிறது. மேலும் டிசம்பர் 31-ல் வெளியாகும் படங்களை சேர்த்தால் கண்டிப்பாக கடந்த ஆண்டைவிட இந்த ஆண்டு அதிக படங்கள் வெளியாக வாய்ப்புள்ளதாக தெரிகிறது.

கடந்த இரண்டு ஆண்டுகளில் சுமார் 400 படங்களுக்கும் மேல் வெளியாகியபோதிலும் ஒருசில குறிப்பிட்ட படங்களே சூப்பர் ஹிட் ஆகியது என்பது குறிப்பிடத்தக்கது. எனவே அதிகமான படங்கள் வெளியிடும் கோலிவுட் திரையுலகம் அந்த படங்களை வெற்றிப்படங்களாக மாற்ற வேண்டும் என்பதே அனைவரும் விருப்பமாக உள்ளது.