ధనుష్ తెలుగు స్ట్రయిట్ మూవీ 'విఐపి 2'
- IndiaGlitz, [Sunday,July 23 2017]
ధనుష్ హీరోగా వి క్రియేషన్స్, వండ‌ర్ బార్స్ ప‌తాకాల‌పై రూపొందుతున్న చిత్రం 'విఐపి2'. సౌంద‌ర్య రజనీకాంత్ ద‌ర్శ‌కురాలు. క‌లైపులి థాను, ధనుష్ నిర్మాత‌లు. ఈ సినిమా ప్ర‌మోష‌న్ కార్య‌క్ర‌మంలో హీరో ధనుష్, బాలీవుడ్ న‌టి కాజోల్, ద‌ర్శ‌కురాలు సౌంద‌ర్య రజనీకాంత్ త‌దిత‌రులు పాల్గొన్నారు. 'విఐపి2' నాకు స్పెష‌ల్ మూవీ. ధనుష్ తెలుగులో చేసిన తొలి స్ట్రయిట్ మూవీ. ధనుష్ నాపై న‌మ్మ‌కంతో నాకు అవ‌కాశం ఇచ్చి స‌పోర్ట్ చేసినందుకు ఆయ‌న‌కు థాంక్స్ అని చిత్ర ద‌ర్శ‌కురాలు సౌంద‌ర్య రజనీకాంత్ తెలిపారు.
హీరో ధనుష్ మాట్లాడుతూ .. తెలుగులో నేను చేసిన తొలి స్ట్రయిట్ సినిమా 'విఐపి2'.తెలుగులో స‌క్సెస్ అయిన విఐపి చిత్రాన్ని తెలుగులో ర‌ఘువ‌ర‌న్ బి.టెక్ పేరుతో విడుద‌ల చేశాం. ఆ సినిమాకు సీక్వెల్‌గానే ఈ సినిమా రూపొందింది. తెలుగులో చేయ‌డం వ‌ల్ల భాష గురించి కూడా తెలుసుకుంటున్నాను. బ్యూటీఫుల్ జర్నీ. ర‌ఘువ‌ర‌న్ బి.టెక్ సినిమాను ప్రేక్ష‌కులు ఎలా ఎంజాయ్ చేశారో ఈ సినిమాను కూడా అలాగే ఎంజాయ్ చేస్తారని అన్నారు.
కాజోల్ మాట్లాడుతూ .. నాకు ఇష్ట‌మైన సిటీస్‌లో హైద‌రాబాద్ ఒక‌టి. గ‌తంలో నేను హైద‌రాబాద్‌కు చాలా సార్లు వ‌చ్చాను. నేను హిందీ కాకుండా వేరే భాష‌లో న‌టించి చాలా కాల‌మైంది. కానీ సౌంద‌ర్య, ధనుష్ కార‌ణంగానే విఐపి2లో న‌టించాను. ధనుష్ చాలా కేర్ తీసుకున్నాడని అన్నారు.